اكتشف الأخطاء النفسية الخفية في تجربة المستخدم التي تدفع المستخدم لحذف التطبيقات، وتعرّف على طرق عملية لتجنبها وتحسين تجربة الاستخدام.
مرحبا يا جماعة، أنا أحمد الفيومي، مصمم UI/UX فريلانسر من مصر، وبشتغل مع عملاء في السعودية والإمارات من أكتر من 5 سنين، النهاردة عايز أحكيلكم عن حاجة أنا مقتنع جدًا إنها السر الحقيقي ورا أي تطبيق أو موقع ناجح ألا وهي: علم نفس المستخدم، خلّيني أقولك حقيقة يمكن تكون صادمة شوية، المستخدم لما بيحذف التطبيق دا مش معناه انه بيكرهه، هو بس مش حاسس بالراحة وهو بيستخدمه، يمكن تكون تعبت في الفكرة، ودفعت في التطوير، اخترت ألوان حلوة، وحطيت مميزات كتير، ومع ذلك، المستخدم فتح التطبيق، لفّ شوية، وبعدها في صمت تام مسحه، اللي حصل ده غالبًا مش بسبب Bugولا بسبب سرعة السيرفر ولا حتى لأن المنافس أحسن منك، السبب الحقيقي غالبًا بيكون أعمق من كده، بيكون خطأ نفسي بسيط في تجربة المستخدم، حاجة دماغ المستخدم حسّتها قبل ما هو نفسه يفهمها.
في تصميم UX، القرارات ما بتتاخدش بعقلانية زي ما إحنا فاكرين، المستخدم ما بيقعدش يحلل، هو فقط بيحس بالأمان أو التوتر، بالبساطة أو التعقيد، بالثقة أو الشك، وفي ثواني، عقله بياخد قرار: أكمل ولا أخرج؟ في المقال ده، مش هكلمك عن نظريات معقدة ولا مصطلحات أكاديمية ملهاش لازمة، هحكيلك عن أخطاء نفسية حقيقية شفتها بنفسي في تطبيقات ومواقع وأزاي الأخطاء دي بتدمّر تجربة المستخدم بهدوء من غير ما صاحب التطبيق ياخد باله، لو عندك تطبيق، أو بتصمّم لحد، أو حتى بتفكر تدخل مجال UX ،المقال ده ممكن يغيّر نظرتك تمامًا لـ ليه المستخدم بيمشي وإمتى ممكن يقرر يفضل، كالعادة حضر فنجان القهوة التمام ويلا بينا نبدأ.
الإجابة مش في عدد المميزات ولا في سرعة السيرفر بس.
الإجابة في دماغ المستخدم نفسه.
لما أصمم تطبيق، أنا مش بس برسم شاشات حلوة، أنا بحاول أفهم:
- إيه اللي بيخلي المستخدم يحس بالراحة؟
- إيه اللي بيخليه يتوتر ويسيب التطبيق؟
- إيه اللي بيخليه يضغط "اشتري" بدون تفكير؟
- وإيه اللي بيخليه يرجع تاني وتالت؟
ده كله اسمه علم نفس المستخدم، وده اللي بيفرق بين التطبيق اللي بيتباع وبين اللي بيترمى.
هديلك مثال بسيط، لما المستخدم بيشوف إشعار "تم إضافة المنتج للسلة بنجاح" باللون الأخضر مع صوت خفيف، دماغه بيفرز هرمون الدوبامين، وده بيخليه يحس بالإنجاز الصغير،أنا استخدمت ده في تطبيق تجاري لعميل سعودي، ونسبة إكمال الطلب زادت بنسبة 34% بعد ما ضفنا الـ micro-rewards دي.
هقولك نقطة بسيط هتوضح لك كل حاجة في ثانية في النقطة دا تحديداً، لو صممت تطبيق للتسوق و اعطيت العميل 12 خيار للدفع، هيتردد وهيسيب السلة لأنه من اللحظة الأولى شعر بالممل، لكن لما قللنا الخيارات لـ 4 فقط (الأكثر شيوعًا في السوق السعودي والإماراتي)، نسبة الترك انخفضت بشكل ملحوظ وهنا انت أثبت انك مصمم تطبيقات محترف لأنك فاهم نفسية المستخدم كويس جداً قبل أي شئ.
هل لاحظت إن البنوك والمحافظ الإلكترونية بتستخدم الأزرق كتير، هل فكرت ليه الأزرق بالذات؟ ليه مش اللون الأخضر مثلاً؟! أنا هقولك، لأن اللون الأزرق في علم نفس المستخدم، بيبعث إحساس بالأمان والثقة، أنا في مشروع لي إماراتي استخدمت درجات اللون الأزرق الداكن مع أيقونات الخصوصية و الأمان، والقفل في كل صفحة دفع، ودا أدى إن العملاء حسوا بالاطمئنان أكتر.
لما المستخدم يكون أمام سلة الشراء لكنه متردد، إيه أكتر حاجة ممكن تطمنه؟ أنت كمستخدم أول شئ عينك هتروح عليها علشان تطمن، هي عدد اللي استخدموا المنتج وتقيماتهم، بالظبط كدا، لو طلع للمستخدم أن عدد اللي أشتروا المنتج الشهر دا "أكتر من ٣٢٠٠ شخص" كمثال طبعاً، نسبة التردد عنده هتختفي واحتمالية الشراء بتزيد بنسبة كبيرة، و ده مبدأ نفسي اسمه Social Proof،وأنا بستخدمه في أغلب المشاريع التجارة الإلكترونية.
- معدل الترك هتكون أعلى (Bounce Rate & Churn Rate)
- تقييمات سلبية في المتاجر
- تكلفة اكتساب عميل جديد بتبقى عالية جدًا
- التطبيق يبقى "حلو" في الصور بس محدش بيرجع يستخدمه
أنا شفت ده كتير مع عملاء جربوا يصمموا لوحدهم أو مع مصممين مركزين على الشكل وبس، لكن لما رجعولي وشرحتلهم أهمية (Experience) وانه بيفرق جدا في تصميم أي تطبيق قبل الشكل، لذلك أنا دايماً بنصح لو عايز تكون مصمم تطبيقات محترف وينحج مشروعك، لازم تهتم بكل ما يهم المستخدم ونفسيته لأنه حجر الاساس لنجاح أي مشروع، وبالفعل لما عملوا إعادة تصميم تطبيق شافوا الفرق لأنهم كانوا فاكرين إن المشكلة في البرمجة.
أنا حاليًا بجهز دورة تدريبية كاملة هتكون أول مرة أعملها بالعربي، وعنوانها "علم نفس المستخدم" الدورة هتغطي:
- المبادئ النفسية الأساسية اللي لازم كل مصمم يعرفها
- إزاي تحول المبادئ دي لواجهات حقيقية (مع أمثلة Figma)
- أخطاء شائعة بنعملها من غير ما ننتبه وإزاي نصلحها
- كيسات دراسية حقيقية من مشاريعي في مصر والسعودية والإمارات
- استراتيجيات أخلاقية عشان التصميم ما يبقاش "إدماني" بشكل ضار
الدورة هتبقى عملية جدًا، مش نظرية، وهتكون مناسبة لـ:
- مصممين UI/UX مبتدئين أو متوسطين
- أصحاب مشاريع عايزين يفهموا إزاي يختاروا المصمم المناسب
- مطورين عايزين يحسنوا تجربة المستخدم في مشاريعهم
لو عايز تكون من أوائل الناس اللي هياخدوا الدورة لما تطلع (وغالباً هتكون بسعر افتتاحي خاص)، اكتبلي في التعليقات كلمة "أنا جاهز" أو "أبعتلي لينك الحجز لما تجهز"، وأنا هبعتلك إشعار فوري لما نفتح التسجيل.
أنا متحمس جدًا أشارككم اللي تعلمته على مدار السنين دي، وإزاي علم نفس المستخدم ممكن يغير مسار مشروعك من "تطبيق عادي" لـ "تطبيق الناس مش قادرة تعيش من غيره".
مستني ردودكم يا جماعة، وإن شاء الله نتقابل قريب في الدورة ونشوف مع بعض النتايج الحقيقية.
مصمم UI/UX – مصر | السعودية | الإمارات
هل لديك أسئلة؟ لدينا إجابات لمساعدتك في تحقيق أقصى استفادة
هل تبحث عن مصمم يحوّل فكرتك إلى تجربة مميزة؟ تواصل معنا الآن واحصل على استشارة مجانية لمشروعك
مقالات يومية تساعدك علي فهم عالم تجربة المستخدم بشكل أفضل من خلال شرح بسيط
