ليه لازم تهتم باختبار قابلية الاستخدام قبل ما تطلّع تطبيقك للناس؟
تخيّل معايا الموقف ده: عندك فكرة تطبيق مميزة جدًا،سهرت عليها صرفت شهور طويلة، فريق التصميم شغال ليل نهار، والشكل النهائي بقى فعلاً تحفة، وبعد الإطلاق مباشرة بدأت التقييمات السلبية تتراكم:
“الزر ده فين؟”
“ليه الخطوة دي معقدة كده؟”
“مش عارف أكمل الطلب خالص!”
المشكلة غالبًا مش في البرمجة ولا في السيرفر، المشكلة الأساسية إن في حد ما سألش المستخدم الحقيقي برأيه قبل ما ينزل النسخة النهائية.
هنا بالضبط بيجي دور اختبار قابلية الاستخدام (Usability Testing)، وده اللي هنتكلم عنه النهاردة بالتفصيل.
مصمم التطبيقات المحترف بيعمل إيه عشان التطبيق ينجح فعلاً
كتير من العملاء لما بيدوروا على مصمم تطبيقات محترف بيركزوا على الشكل الخارجي: ألوان جذابة، أيقونات أنيقة، حركة سلسة لكن المصمم اللي فعلاً يستاهل الثقة والفلوس بيهتم بحاجة أهم بكتير: إن الشخص العادي يفتح التطبيق ويفهم كل حاجة في ثوانٍ من غير ما يحس بإحباط أو ارتباك، فلو بتقول “عايز مصمم يعمللي تطبيق”، أهم سؤال تسأله:
“هتعمل اختبار قابلية استخدام مع مستخدمين حقيقيين ولا هتسلّم التصميم وخلاص؟”
الفرق بين التصميم الجميل والتجربة المريحة
مرة صاحبي كان عايز يطلّق تطبيق توصيل طلبات في مدينة معينة. صرف مبلغ محترم على تصميم واجهات وتجربة مستخدم لتطبيق، والنتيجة كانت واجهة شكلها رائع بصريًا… لكن لما عملنا اختبار سريع مع 7 أشخاص من الجمهور المستهدف، اكتشفنا إن زر “تأكيد الطلب” كان مدفون وسط العناصر، وخطوة إدخال العنوان كانت موزعة على 4 شاشات بدل ما تكون في خطوة واحدة مريحة.
بعد التعديلات البسيطة دي بناءً على ملاحظات المستخدمين، نسبة إكمال الطلب قفزت من 41% إلى 89% في أول أسبوع بعد التحديث.
مصمم UI UX في مصر والسعودية والإمارات.. إزاي تختار الشخص المناسب؟
السوق دلوقتي (خصوصًا في مصر / السعودية / الإمارات) مليان مصممي UI UX، لكن مش الكل بيطبّق منهجية اختبار قابلية الاستخدام بشكل جدي وعلمي.
علامات إنك قدام مصمم محترف فعلاً
- بيسألك عن الجمهور المستهدف بالتفصيل قبل ما يبدأ أي wireframe
- بيعمل شخصيات (Personas) واقعية ومبنية على بحث حقيقي
- بيخطط لجلسات Usability Testing من بداية المشروع، مش بعد التنفيذ
- بيستخدم أدوات زي Maze أو Lookback أو حتى جلسات مسجلة بسيطة مع مستخدمين
- بيرجع يعدّل التصميم أكتر من مرة بناءً على النتائج الفعلية
لو لقيت مصمم مواقع فريلانسر أو مصمم واجهة تطبيق موبايل بيطبّق النقاط دي، تمسك فيه بقوة.
إعادة تصميم تطبيق.. متى لازم تعملها وإزاي تبدأ
كتير من أصحاب التطبيقات بيجولي ويقولوا: “التطبيق موجود من سنتين، لكن المبيعات وقفت والناس بتسيب السلة قبل الدفع”. أول خطوة بننصح بيها هي إعادة تصميم تطبيق مبنية على بيانات وملاحظات حقيقية، مش على تخمين أو رأي شخصي.
خطوات عملية لإعادة تصميم ذكية
1. جمع البيانات الموجودة
Heatmaps، تسجيلات الجلسات (Hotjar – FullStory)، تقييمات المتجر، رسائل خدمة العملاء.
2. إجراء مقابلات واختبارات سريعة
حتى لو مع 5–8 مستخدمين فقط، غالبًا هتكتشف 75–85% من المشاكل الجوهرية.
3. تحديد الأولويات
مش كل مشكلة لازم تتحل في النسخة الأولى. ابدأ باللي بيأثر على التحويل (Conversion) أو الاحتفاظ بالمستخدم.
4. تصميم النسخة الجديدة + اختبار ثانٍ
لو أمكن، قارن بين النسختين القديمة والجديدة باستخدام A/B Testing.
مثال واقعي: عملنا إعادة تصميم تطبيق لمتجر إلكتروني في السعودية، كان معدل ترك سلة الشراء (Abandonment Rate) في صفحة الدفع 68%. بعد تبسيط عملية الـ Checkout لخطوتين فقط بدل خمس خطوات، المعدل نزل إلى 29% خلال شهر واحد.
كيف بيتم تخطيط وتنفيذ اختبار قابلية الاستخدام فعليًا
خطوات التخطيط الأساسية
- حدد الهدف بوضوح: إيه بالظبط عايز تعرف؟ (مثال: هل الناس بتعرف تضيف منتج للسلة بسهولة؟)
- اختار المشاركين بعناية: 5–12 شخص من الجمهور الحقيقي (مش زمايلك ولا أصحابك)
- حضّر مهام واقعية: “اشتري منتج أقل من 100 ريال”، “غيّر عنوان التوصيل”، “ابحث عن منتج معين”
- جهز البيئة: تسجيل شاشة + صوت، والمشرف يسكت وما يوجهش المستخدم
أثناء الجلسة
خلّي المستخدم يتكلم بصوت عالي (Think Aloud)، واسأله أسئلة مفتوحة بعد كل مهمة:
“إيه اللي حسيته صعب؟”
“لو عندك اقتراح واحد، هتقول إيه؟”
بعد الاختبار
- رتّب الملاحظات في جدول بسيط: المشكلة – درجة الشدة – عدد الأشخاص اللي واجهوها
- استخرج النقاط الرئيسية القابلة للتنفيذ
- قدّم النتائج للفريق بطريقة واضحة (فيديوهات قصيرة من المستخدمين ليها تأثير كبير جدًا)
لو بتفكر تطلّق تطبيق جديد أو تعيد تصميم تطبيق قديم، متستناش لما التقييمات تسوء. ابدأ صح من الأول مع مصمم UI UX يفهم قيمة اختبار قابلية الاستخدام ويحطه في خطة المشروع من البداية.
سواء كنت في مصر أو السعودية أو الإمارات أو أي مكان تاني، الفرق بين تطبيق ناجح وتطبيق بيترك بسرعة هو: هل المستخدم حس فعلاً إنه مرتاح ولا لأ؟
إذا كنت محتاج نتناقش في مشروعك أو تبغى توصية لـ مصمم تطبيقات محترف يشتغل بالطريقة دي، قول لي وأساعدك.
