إعادة تصميم تطبيق بفيجما: 10 أسباب هتخلي أي مصمم UI UX يقول وداعًا لأي أداة تانية!
تخيل إنك قاعد بتعيد تصميم تطبيق قديم، أو بتبدأ مشروع جديد كبير، وفي نفس اللحظة : العميل بيعلق، المطور بيطلب تعديل، وأنت بتشوف كل ده وأنت بتعدل التصميم بدون ما ترسل ملف واحد أو تنتظر تحميل ده بالظبط اللي بيحصل لما تستخدم فيجما في إعادة تصميم تطبيق.
أنا شخصيًا، لما جربت فيجما أول مرة في مشروع إعادة تصميم تطبيق لشركة في الرياض، حسيت إني اكتشفت سلاح سري،و من ساعتها، فيجما أصبحت العصا السحرية بالنسبة لي، حتى اني مبقتش أفتح Sketch أو XD أو أي أداة تانية بدون ما أقول في سري: "يا ريتني كنت عرفت فيجما من زمان".
لو جديد في المجال هتستغرب جداً لكلامي وهتعرف قيمته عملي في تصميماتك القادمة، أما لو كنت مصمم قديم ومازلت لا نعرف قيمة فيجما أو تستعمل أدوات أخرى، فأنا هنا النهاردة جاي أقنعك وبالأدلة ليه فيجما هي الأقوى والفضل، يلا بينا نبدأ.
10 أسباب قوية هتخليك زي أي مصمم UI UX محترف تقول وداعًا نهائيًا لأي أداة تانية:
1. التعاون في الوقت الفعلي (Real-time Collaboration) خلّصنا النزاعات إلى الأبد
فيجما سحابية 100% يعني أي حد في الفريق، سواء مصمم، مطور، مدير منتج، أو حتى العميل، يقدر يدخل على نفس الملف ويشوف التغييرات فورًا، يعلق، يرسم، يعدل،
اذكر مرة عميل في دبي طلب تعديل كبير في تصميم واجهة تطبيق موبايل، وكان الوقت متأخر حوالي الساعة 12 بالليل، وأنا فوراً بدأت في تعدّيل التطبيق وهو شايف كل حاجة وموافق في نفس الوقت، والموضوع كله مأخدش دقايق، ده مستحيل يحصل في أي أداة تانية.
2. النماذج التفاعلية (Prototyping) اللي بتحسس العميل إن التطبيق شغال فعلاً
Smart Animate، transitions سلسة، micro-interactions، overlays… كل ده موجود في فيجما بدون plugins خارجية.
في مشروع إعادة تصميم تطبيق لشركة مصرية، عملت prototype كامل في يومين، والعميل لما شافه قال: "ده مش prototype، ده التطبيق جاهز!" ووافق على الميزانية في أقل من أسبوع.
3. نظام المكونات والـ Variables ..تغيير واحد يعدّل الكل
لو غيّرت لون الـ primary في الـ Variables، كل الـ buttons والـ cards والـ texts اللي مستخدمة اللون ده هتتغير تلقائيًا نفس الكلام مع الـ typography، المسافات، الـ shadows، كنت شغال على مشروع لعميل سعودي كبير،العميل قرر يغيّر الـ brand colors كلها، وانبهر انبهار غير طبيعي لما خلّصنا التعديل في أقل من ساعة بدل أيام.
4. الـ Auto Layout والـ Constraints – تصميم responsive بسهولة غير مسبوقة
فيجما بتخليك تعمل layouts تتكيف تلقائيًا مع أحجام الشاشات المختلفة من غير ما تحتاج تعمل نسخ كتير، ده مثالي لـ تصميم واجهات وتجربة مستخدم لتطبيق موبايل وتابلت في وقت واحد.
5. مكتبة الـ Plugins اللي بتحول فيجما لسوبر أداة
من Unsplash وContent Reel لإضافة صور ونصوص واقعية، لـ Autoflow عشان ترسم user flows تلقائيًا، لـ Figmotion للـ animations المتقدمة، وحتى plugins AI زي UX Pilot اللي بيولد واجهات كاملة من وصف نصي، أنا شخصيا بحب جدًا Beautiful Shadows وIconify، بيوفروا وقت رهيب.
6. الـ Dev Mode.. وداعًا للصور الثابتة والإيميلات الطويلة
المطورين بيحبوا فيجما جدًا لأن الـ Dev Mode بيديهم كل التفاصيل: measurements، colors، typography، code snippets (CSS, SwiftUI, Flutter) بدون ما يطلبوا منك حاجة.
7. الـ FigJam ..brainstorming و user flows في مكان واحد
مش بس تصميم، فيجما عندها FigJam للـ whiteboarding والـ mind maps والـ user journey maps، يعني كل حاجة في مكان واحد.
8. سرعة وأداء لا يُضاهى حتى في المشاريع الكبيرة
ملفات فيجما بتفتح في ثواني حتى لو فيها آلاف الـ frames ومئات الـ components. مقارنة بـ Sketch أو XD اللي كانوا بيعلّقوا في المشاريع الكبيرة.
9. مجانية كافية لمعظم المصممين الفريلانسرز
لو مبتدأ وعايز شئ مجاني في البداية يساعدك، فالخطة المجانية قوية جدًا: ملفات غير محدودة، تعاون غير محدود، prototypes كاملة. الخطط المدفوعة بس للفرق الكبيرة أو المميزات المتقدمة.
10. المجتمع والمستقبل.. فيجما هي الستاندرد الجديد
كل الشركات الكبيرة (Google, Microsoft, Airbnb, Uber) بقت تستخدم فيجما لو أنت مصمم مواقع فريلانسر أو مصمم UI UX في مصر / السعودية / الإمارات، ملفات فيجما هي اللي بيطلبها العملاء دلوقتي.
في النهاية يا اصدقائي، فيجما مش مجرد أداة تصميم، دي بيئة كاملة بتساعدك تبني منتجات رقمية أسرع، أجمل، وبتعاون أفضل.
لو لسة بتستخدم أداة تانية في إعادة تصميم تطبيق أو تصميم جديد، جرب فيجما النهاردة، هتقول وداعًا لكل أداة قديمة، ومش هترجع لها تاني.
